Sunday, January 17, 2010

എനിക്ക് ഞാനുണ്ട് ; നിനക്കോ?

ഉറുമ്പ്: തനിയെയായിരിക്കുമ്പോൾ ഞാനേകനാണ്
ആന: ആൾക്കൂട്ടത്തിൽ ഞാൻ തനിയെയാണ്
താമര: മഞ്ഞ വെളിച്ചം എന്നെ മത്തു പിടിപ്പിക്കുന്നു
സൂര്യൻ: ആമ്പലുകൾ ഇരുട്ടിൽ വിടരുന്നില്ല.
എണ്ണ തേച്ചവൻ: കാശിയിലേക്കൊരു യാത്ര പോയാലോ?
കരിയില: മണ്ണാങ്കട്ട ചുട്ട ഇഷ്ടികയായി രാമേശ്വരത്ത് പോയി
പഴുത്തില: വേരു ചീയലിന്‍റേതാണെന്നു തോന്നുന്നു
പച്ചില: പെട്രോളുണ്ടാക്കാൻ നല്ലതാണെന്നു രാമർ പറഞ്ഞു
പുര: എനിക്ക് തൂണുകൾ താങ്ങാനാവില്ല
ഉറി: ഉള്ളതു പറഞ്ഞാൽ ചിരിക്കാതെ വയ്യ
കണ്ണട: തീയ്ക്കും തീക്കായ വേണമെന്ന്
കണ്ണ്: കുത്തിപ്പൊട്ടിച്ച കണ്ണിനൊരു കണ്ണട വേണം
ശിഷ്യൻ: മഗ്ദലനമറിയം കേസ് വിചാരണ നാളെയാണ്
യേശു: വിശ്വാസമുണ്ടെങ്കിൽ ഈ മല മാറിപ്പോകും
അയ്യപ്പൻ: കുടിക്കാനിത്തിരി വെള്ളം
വാവര്: കോളിഫോം പരിശോധനയ്ക്കയച്ചിട്ടുണ്ട്
ഏംഗത്സ്: ദാസ് കാപിറ്റലിന്‍റെ കോപ്പികൾ തീർന്നു
മാർക്സ്: കുഞ്ഞുങ്ങൾ വിശന്നു മരിക്കുന്നു.

No comments:

Post a Comment