ഇക്കുറി നിന്നെയെനിക്കേറെ ഇഷ്ടം
എന്തിനെന്ന് കണ്ണുകൂർപ്പിച്ചവളോടവൻ
അന്യരോട് നീ ഗൌരവക്കാരിയായി
നിന്നെയെനിക്കേറെയിഷ്ടമായി
കണ്ണിൽ നക്ഷത്രങ്ങൾ ചിരിക്കാതെയായി
നിന്നെയെനിക്കേറെയിഷ്ടമായി
വാക്കുകളുടെ ആയം കുറഞ്ഞു
നിന്നെയെനിക്കേറെയിഷ്ടമായി
കലഹങ്ങളിൽ നിന്നൊഴിഞ്ഞു
നല്ലൊരിടനിലക്കാരിയായി
നിന്നെയെനിക്കേറെയിഷ്ടമായി
ഉപചാരങ്ങളിൽ നാട്യക്കാരിയായി
നിന്നെയെനിക്കേറെയിഷ്ടമായി
ചെറുനരകളും ചെറുവരകളും
പ്രായം വിളിച്ചു പറഞ്ഞു
നിന്നെയെനിക്കേറെയിഷ്ടമായി
നീ എന്നെപ്പോലെ സംസ്കാര സമ്പന്നയല്ലോ
No comments:
Post a Comment